خلصت الامتحانات
فترة عصيبة مرت على وعلى البيت كله
سالت نفسى ليه انا اعصابى تعبانة فى الامتحانات
امتحاناتى وامتحانات ولادى
فترة حرجة جدا انك تختبر فى اللى بذلت فيه مجهود وتعبت وبذلت
وانفقت ملازم ودروس ومصاريف وكتب ومدرسين
وذاكر ولادى طول السنة مذاكرة وواجب وامتحانات دورية
ومسابقات وغيره وغيره
وكلها حاجات ببتعمل عشان نطمن بها نفسنا والطلبة والمدرس
نطمن اننا بنذل صح
واننا بنعمل مجهود صح مفيش فرصة للعب ولاالاستهتار ولاالتخاذل
مفيش فعلا وقت نحس حتى بشوية اهمال
بيذاكر مع المرض والالم والحر والرطوبة والبرد الشديد والمطر
الدورس شغالة والمذاكرة شغالة
كل الاسرة بتساهم فى هذا المشروع الفظيع
عشان نحقق اعلى درجات النجاح
الثانوية العامة مفترق طرق بتخدد مستقبل ومصير ,فعلا مهمة جدا
وبعدين تيجى الصدمة الامتحان ولا اى حاجة من اللى الفات كله
ولا كانك كنت بتعمل اى حاجة طول السنة
واحد بيتعهد له من الوزراة يحط امتحان بيتحدد معاه مصير الاف من الطلبة
لكل جمهورية مصر
يااااااااااااااااه شئ خطير جدا ان كل الالاف دى فى رقبته ليوم الدين
مش مجرد طالب مش بيذاكر لالالا عدينا المرحلة دى
ان الامتحان يجى ان المدرس مش عارف يحله
ان الطالب المتفوق مش عارف السؤال عاوز ايه
ان الطلبة المتفوقة خارجة بتبكى من الامتحان ويحبط وهو بيحل الامتحان
وانه كانه ماعملش اى شئ من سنين
شئ بشع فعلا منتهى الاحباط ومنتهى الالم اللى بيشعر به كل اب وام حاطط امال كتيره على ابنه او بنته
حسبى الله ونعم الوكيل
مش مادة والا اتنين لما يبقى كل الامتحانات سمجة وطويلة ومحبطة
السؤال ليه ؟
ليه ولادنا يدفعوا تمن الصراع على السلطة ليه الاسر تدفع تمن لعبة السياسة القذرة
ليه التعليم مع عدم تحقيقة الشئ المرجو اننا مفيش تعليم اساسا يكون مع ازمات الزيت والسكر والبنزين
ليه ؟
ليه ابنى يبدا حياته منتظر اليوم اللى يخرج به بره البلد عشان يعيش صح
ليه بندور على حياتنا بره بلدنا عشان عارفين ان بره حدودنا
هنلاقى المعاملة الآدمية
حسبى الله ونعم الوكيل
اضافة تعليق