من انا
أمتى
سؤال كل يوم باساله
امتى ؟
سؤال بانتظر منه اجابة لبكرة لايام كتير وسنين كتير فاتت
فاتت واحنا منتظرين الفرج منتظرين نحس اننا فى بلدنا
نحس اننا نملك اى شبر فى البلد دى
امتى احس انى اقدر اقول لا
امتى اقدر اطالب بحقى والاقيه
امتى اروح مصلحة حكومية والطلب يمشى من غير تعقيد
امتى اروح لموظف ومااسالش نفسى ياترى هياخد رشوة
امتى فى المدرسة المدرس بيشرح
امتى مايكونش فى مصروف بيتى مدرس خصوصى
امتى ابنى وبنتى يكون فى المدرسة ومايسمعش اهانة ولاشتيمة
امتى اروح اشترى الخضار واخد خضار يصلح للاستهلاك الادمى
امتى امشى فى الشارع والاقى رصيف امشى عليه
امتى امشى على الرصيف ويكون مرصوف
امتى اقف عل المحطة وييجى الاتوبيس بسرعة والاقى مكان اقعد فيه
امتى الشارع يكون مرصوف من غير حفر
امتى الناس تتعامل مع بعضها باحترام وادب
امتى اسافر كل البلاد العربية من غير تاشيرة
امتى الشاب يتخرج يلاقى شغل
امتى الشاب الطموح يلاقى ممول لمشروعه ويبنى ويعلى ويزود اقتصاد البلد
أمتى البنت تلاقى عريس واهلها يتهاونوا فى الطلبات ونرجع نسمع
تانى احنا بنشترى راجل
امتى نتعلم فى المدارس علم خقيقى مش حشو عقول
امتى تتلغى الثانوية العامية اللى بتحبط البيوت
والطالب يدخل الكلية بمواهبه وقدراته وميوله
امتى تتلغى من البلد الجامعات الخاصة اللى بتاخد فلوس متلتلة
وفى الاخر تخلق جيل جديد من الشباب منفسن وحاقد على غيره
لو فضلت اقول امتى وامتى هاكتب ايام واسابيع ومش
هالاقى اجابة للسؤال
أمتى ؟
اضافة تعليق